Latest

Përsiatje

Poetry / November 1, 2018

Një njeri ecën kuturu rrugëve të natës,
pyesni gjethet çfarë do t’u thonë për të.
Një njeri në përpjekjen për të kapërcyer veten,
ruhet se mos bjerë në greminat e shpirtit.
Nuk ka muzikë në rrugën e tij,
por ai fishkëllen nën zë një melodi
që nuk është krijuar akoma.
Nëpër stacionet ku pret
nuk ndalon asnjë autobus
si për ta vënë në dyshim nëse ai vetë ekziston.
Sikur të mos ishte për sytë që e shohin veten
do të dyshonte mos ishte një ëndërr brënda kokës së vet.
I lind dyshimi se nëse po ëndërron,
nën cilin qiell do ishte shtrirë tani trupi i tij!
Një njeri që fishkëllen një melodi të panjohur,
që ka në hundë aromën e një gruaje, të cilën nuk e ka puthur akoma,
rri dhe pret në stacion duke parë pellgjet e shiut,
në të cilat po japin shpirt gjethe të verdha pemësh,
pa guxuar të lëviz derisa të zbardh dita.
Ia ka frikën ëndrrës nga e cila mund të jetë gremisur në gjumë,
duke ndjekur pas gjurmën e aromës së një gruaje,
e cila për të zezën e tij as që e di se ai ekziston…






Irena Shabani
Is an Albanian freelance journalist and human rights activist specialising in investigative journalism. She co-founded Panorama, the leading newspaper in Albania, where she served as managing editor from 2002 to 2003. Prior to Panorama she was a journalist at Shekulli and Gazeta Shqiptare and has been part of the Albanian Human Rights Group from its beginning. She has collaborated on programmes for the International Research and Exchanges Board, investigating topics involving crime and political corruption and continues to collaborates with foreign organisations and local media focused on social problems and minority rights.




Previous Post

Fëshfërimë

Next Post

Pendesë



Leave a Reply

This site uses Akismet to reduce spam. Learn how your comment data is processed.


More Story

Fëshfërimë

Nëse iki i marr me vete të gjitha, edhe pikëpyetjet, edhe pendesat, edhe fjalët... edhe sendet e kota që rrine mbyllur...

June 5, 2018